अब महानायक राजेश हमाल पनि पत्रकारितामा हात हाल्ने

Super Star Rajesh, Now Editor of 'The Kathmandu Post'
अब महानायक राजेश हमाल पनि पत्रकारितामा हात हाल्ने भएका छन् । कान्तिपुर पब्लिकेसन्सको काठमाण्डूबाट प्रकाशित हुने अँग्रेजी दैनिक पत्रिका “The Kathmandu Post” ले हमाललाई अतिथि सम्पादक (Guest Editor) बनाउन लागेको हो । नियमित पाठक रहेका महानायक राजेश हमाल “The Kathmandu Post” दैनिक पत्रिकाको प्रस्ताव मनपरेपछि, सम्पादक बन्न लागेका हुन्।

अँग्रेजी साहित्यमा स्नातकोत्तर गरेका हमाललाई “The Kathmandu Post” ले एक महिना सम्म अतिथि सम्पादक (Guest Editor) बनाउनेछ । नयाँ वर्ष २०१२ को जनवरीमा अतिथि सम्पादक (Guest Editor) बन्न अखबारले आग्रह गरेपनि चलचित्र मा व्यस्त रहेका हमालले फेव्रुअरीतर्फ बन्न रुचि देखाइरहेका छन् । "उक्त पत्रिकाले २०१२ भरि १२ जना (हरेक महिना १ जना) सेलिव्रिटीलाई अतिथि सम्पादक (Guest Editor) बनाउने अभियान चलाएको रहेछ, त्यसको प्रारम्भ भने हमाल बाटै गर्न इच्छुक छ पत्रिका ।" महानायकका सहयोगी चिरञ्जीवि आचार्यले बताए ।
कान्तिपुर पब्लिकेसन्सको प्रकाशन “The Kathmandu Post” मुलुककै अग्रणी अँग्रेजी अखबार हो ।