|
|
नेपाली चलचित्रका दर्शकहरूले राजेश हमाल तथा नन्दिता केसीबीचको एउटा चुम्बनलाई हालसम्मकै उत्कृष्ट भएको धारणा व्यक्त गरेका छन्। फिल्मीखबर डटकमले गरेको सर्वेक्षणअनुसार ६२ दशमलव ३४ प्रतिशत दर्शकले चलचित्र 'द युगदेखि युगसम्म' को राजेश तथा नन्दिताबीचको चुम्बनलाई उत्कृष्ट मानेका हुन्। नेपाली चलचित्रमा प्रयोग गरिएका प्रस्तुत कुन जोडीको चुम्बन दृश्य तपाईंलाई उत्कृष्ट लाग्यो ? भन्ने विषयमा गरिएको सर्वेक्षणमा राजेश र नन्दिताको चुम्बनलाई उत्कृष्ट मानिएको हो। सर्वेक्षणमा परेको मतका आधारमा चलचित्र 'ब्याच नं.१६' को सुष्मा कार्की तथा अर्पणबीचको चुम्बन १५ दशमलव ९१ प्रतिशत मत पाउँदै दोस्रो स्थानमा छ। चलचित्र 'आफ्नो मान्छे आफ्नै हुन्छ' को मुकेश ढकाल तथा अरुणिमा लम्सालबीचको चुम्बन ११ दशमलव ३६ प्रतिशत मत पाउँदै तेस्रो स्थानमा छ भने चलचित्र 'सिलसिला' को राज तिमिल्सिना तथा सोनिया केसीबीचको चुम्बन १० दशमलव ३९ प्रतिशत मत पाएर चौथो स्थान ओगटेको छ।साभार: साप्ताहिक
No comments:
Post a Comment