|
|
नेपाली सिनेमाका नायिकाहरु सिनेमामा मात्र नभइ रियल लाइफमानै आमा बनिरहेका छन् । नायिका सञ्चिता लुइटेलले पहिलो सन्तानलाई जन्म दिएको सात महिना मात्र हुँदा दोस्रो सन्तानलाई पनि जन्म दिने भएकी छिन् । त्यसो त नायिका मेलिना मानन्धर, अरुणिमा लम्साल आमा बनिसकेका छन् भने नायिका ऋचा घिमिरे पनि आमा बन्नेवाला छिन् ।आफ्नो सहकर्मीहरुले आमाको अनुभव लिँदा नायिका रेखा थापालाई भने सन्तानको रहर नभएकै हो त ? करिब १० वर्ष अघि निर्माता छबि ओझासँग बैवाहिक जीवनमा बाँधिएकी नायिका रेखा थापालाई सन्तानको रहरको बारेमा सोध्दा उनले रातदिनको सुटिङले गर्दा बच्चा पाउने फुर्सद नभएको खुलासा गरेकी छिन् । समयले साथ नदिँदा आफ्नो चाहना पुरा गर्न नसकेको दुखेसो रेखाले पोखेकी छिन् । चलचित्र क्षेत्रमा निकै व्यस्त मानिने यि नायिकाले सबै सहकर्मीको सन्तान भईसके मेरो त अझै हुन सकेन, अब त रहर लाग्न थालेको छ भनेकी छिन् ।
सन्तानको रहर लागेपनि अझै केहि समय चलचित्रमा सक्रिय भएर लाग्नु परेकाले बाध्यताले गर्दा आमा बन्न नसक्ने उनले बताएकी छिन् । तर अभिनयबाट प्रोडक्सन तिर लागेपछि आमा बन्ने उनको सोच छ ।
-स्रोत: डिसीनेपाल
No comments:
Post a Comment