|
|
विश्व फुटबलको सर्वोच्च संस्था फिफाका (FIFA) अध्यक्ष सेप ब्लाटर नेपाल आइपुगेका छन् । नेपाली फुटबल इतिहासमै आयोजना हुन लागेको सबैभन्दा ठूलो प्रतियोगिता एएफसी च्यालेन्ज कप (AFC CHALLENGE CUP 2012, NEPAL) को उद्घाटन गर्न विश्व फुटबलको सर्वाच्च संस्था फिफाका अध्यक्ष सेप ब्लाटर नेपाल आइपुगेका छन्। ब्लाटर आफ्नो निजी विमानबाट काठमाडौं आइसकेका छन् भने प्रतियोगिताको उद्घाटन गर्नुअघि राष्ट्रपति र प्रधानमन्त्रीसँग भेट गर्ने कार्यक्रम रहेको छ। आजदेखि सुरु हुने प्रतियोगिताको उद्घाटन दिनको खेलमा आयोजक नेपालले प्यालेष्टाइनको सामना गर्दैछ। समूहचरणको पहिलो खेलमा दशरथ रंगशालामा नेपाली समय अनुसार साँझ पाँच बजे नेपाल र प्यालेष्टाइनको खेल हुनेछ। यसै समूहको अर्का खेलमा भने हलचोक खेल मैदानमा माल्दिभ्सले तुर्केमिनिस्तानको सामना गर्नेछ। आज प्यालेष्टाइन विरुद्ध उत्रन नेपाली टोली पुर्णरुपमा तयार रहेको टिमका प्रशिक्षक ग्राम रोबर्टले बताएका छन्। सन् दुई हजार छ को एएफसी च्यालेन्ज कपमा नेपालले सेमिफाइनलसम्मको यात्रा तय गरेको थियो भने सन् दुई हजार र दुई हजार दसमा समूह चरणबाटै बाहिरिएको थियो।
Source:avenuestv
If video is not working... Please comment below(भिडियोमा केहि समस्या भएमा कृपया तल कमेन्ट गर्नुहोला
No comments:
Post a Comment