|
|
काठमाडौं, फागुन २१ - कालिमाटी फलफूल तथा तरकारी बजारमा शनिवार राती भिषण आगलागी हुँदा ६ जनाको जलेर ज्यान गएको छ । एक जना घाईते छन् । राती सवा १० बजेतिर बजार बिकास समितिको ३ सय ३४ वटा स्टल रहेको २ तले बहुउद्धेश्यीय भवनमा आगलागी भएको हो । आगलागी भएको भवनबाट ६ जनाको शव निकालिएको कालिमाटी प्रहरीले जनाएको छ ।
तरकारी बजार विकास बोर्डका सदस्य भगवानचन्द्र उप्रेतीले भने ज्यान गुमाउनेमा तरकारी बजारका सुरक्षा गार्ड हिराबहादुर पुन, उहाँका छोरीहरु शान्ति र निरा तथा छोरा निराजनको ज्यान गएको बताउनुभएको छ । पुनकी श्रीमती हिकाको भने गम्भीर अवस्थामा सैनिक अस्पताल छाउनीमा उपचार भईरहेको छ । आगलागीबाट भवन पुरै नष्ट भएको छ । सेना, सशस्त्र प्रहरी र नेपाल प्रहरी तथा काठमाडौं, ललितपुर र भक्तपुरका दमकल, पानी ट्यांकरको सहयोगमा राती साढे १ बजेपछि आगो नियन्त्रणमा आएको थियो ।
प्रहरीले बिजुली शर्ट भएर आगलागी भएको अनुमान गरेको छ । प्रत्यक्षदर्शीले राती १० बजे बत्ती आउने बित्तिकै भवनका चार ठाउँबाट एकैचोटी आगोको ज्वाला देखिएको बताएका छन् । क्षतिको विवरण संकलनको काम भईरहेको प्रहरीले जनाएको छ । आगलागीबाट बजारमा रहेको साढे ५ सय मेट्रिक टन भन्दा बढी तरकारी नष्ट भएको छ । रातीदेखि बाहिरी जिल्लाबाट आएका तरकारीहरु बजार छिर्न पाएका छैनन् । तरकारी बोकेका गाडीहरु अहिले गेटबाहिरै सडकमा रोकिएका छन् ।
- Source: UNN
If video is not working... Please comment below(भिडियोमा केहि समस्या भएमा कृपया तल कमेन्ट गर्नुहोला
No comments:
Post a Comment